Өнгөрсөн хугацаанд Орос гуравдугаар сургуулийн асуудал олон нийтийн шүүмжлэлийг дагуулсаар ирсэн. Гэтэл тус сургуулийг ОХУ-ын мэдэлд үнэ төлбөргүй шилжүүлэх болон захирлаар нь Орос хүн томилуулах хүсэлт ирсэн талаар Боловсрол, шинжлэх ухаан сайд Л.Энх-Амгалан мэдэгдэж байсан. Тэгвэл Орос III сургуулийн захирлаар орос хүн томилуулах эл бичгийг Буриадаас биш ОХУ-ын Боловсролын яамнаас ирүүлсэн талаар тэрбээр 25 дугаар суваг телевизийн "Ам нээвэл" нэвтрүүлгийн үеэр хэлжээ.

Тэрбээр "Орос III сургуулийн захирлаар орос хүн томилуулах бичгийн Буриадаас биш ОХУ-ын Боловсролын яамнаас ирүүлсэн юм байна лээ. Энэ бол арай хэтэрсэн үйлдэл гэж харж байгаа. Элчин сайдын хувьд хэд хэдэн удаа болчимгүй алдаа гаргасан. Түүнийг нь л засаж залруулж хэлсэн" гэв.