Махны дундаж үнэ

2022 оны 11 дүгээр сарын I долоо хоногт үхрийн цул мах нэг килограмм нь дунджаар 15508 төгрөг, үхрийн ястай мах нэг килограмм нь дунджаар 13455 төгрөгийн үнэ ханштай байна. Өмнөх долоо хоногтой харьцуулахад Үхрийн ястай махны үнэ тогтвортой байсан ба үхрийн цул махны үнэ 0.5 хувиар буурсан байна. Энэ долоо хоногийн ажиглалтаар үхрийн ястай мах, “Хар хорин” зах хамгийн хямд буюу 10000 төгрөг, харин “Саруул” худалдааны төвд хамгийн өндөр үнэтэй буюу 17800 төгрөг байна.

Өмнөх долоо хоногтой харьцуулахад хонины ястай махны үнэ 1.0 хувиар өссөн, хонины цул махны үнэ 0.5 хувиар буурсан байна. Энэ долоо хоногийн ажиглалтаар хонины ястай мах “Хүчит шонхор”, “Хархорин” “Баянзүрх” Худалдааны төвүүдэд хамгийн хямд буюу 8500 төгрөгөөр, харин “Саруул” худалдааны төвд хамгийн өндөр үнэтэй буюу 15800 төгрөгөөр худалдаалж байна.

Гурилын үнэ

2022 оны 11 дүгээр сарын I долоо хоногт Нийслэлийн хүнсний томоохон зах, дэлгүүрт “Алтан тариа” нэрийн савласан нэг кг гурилын үнэ дээд зэрэг нь 2300-2570 төгрөг, 1-р зэргийнх 1900-2080 төгрөг, 2-р зэргийнх 1249-1600 төгрөг байна.

Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин”, “Барс” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” нэрийн гурилын үнэ 2000-2300 төгрөг, 1-р зэргийн гурил 1600-1900 төгрөгөөр тус тус зарагдаж байна.

“Атар” талх хүнсний зах, дэлгүүрт 2000-2230 төгрөгийн үнэтэй байна. “Хар хорин” Худалдааны төвд “Атар” талхыг хамгийн хямд буюу 2000 төгрөгөөр, харин “М-Март” Супермаркетад хамгийн өндөр үнээр буюу 2230 төгрөгөөр худалдаалж байна.

Хүнсний ногооны үнэ

2022 оны 11 дүгээр сарын I долоо хоногт өмнөх долоо хоногтой харьцуулахад монгол төмс 6.5 хувиар өсч 1453 төгрөгөөр, монгол луувангийн 0.8 хувиар өсч 2215 төгрөгөөр, байцааны үнэ 1,5 хувиар өсч 1836 төгрөгөөр, Хүрэн манжингийн үнэ 1,5 хувиар буурч 2852 төгрөгөөр тус тус худалдаалагдаж байна.