Украины өмнөд хэсэгт явж байсан цуваа руу ОХУ пуужингаар цохилт өгсний улмаас 23 хүн амь үрэгдэж, 50 гаруй хүн шархадсан гэж орон нутгийн албаныхан мэдэгджээ. Тодруулбал, өнөөдөр өглөө Украины зүүн өмнөд хэсэгт орших хотоос гарч явсан энгийн иргэдийн цувааг Оросын буугаар бөмбөгдсөн нь гэрэл зурагт үлдсэн байна.

Бэртсэн 50 гаруй хүний дотор хүүхдүүд байгаа аж. Амьд үлдсэн хүмүүс гурван удаагийн дэлбэрэлт сонссон гэж ВВС-д ярьжээ.

Украины Ерөнхийлөгч Владимир Зеленский Запорожье мужийн захад болсон халдлагыг "ОХУ террорист" гэж мэдэгдсэн байна.

Цуваанд явж байсан иргэд Орост эзлэгдсэн хэсэг рүү хамаатан садангаа авч, хүмүүнлэгийн тусламж хүргэхээр явж байсан аж.