УИХ-ын хаврын чуулганаар Тагнуулын байгууллагын тухай хуульд нэмэлт, өөрчлөлт оруулснаар Тагнуулын ерөнхий газрын харьяанд байсан Цэргийн тагнуулын байгууллагыг Зэвсэгт хүчний бүтцэд шилжүүлсэн билээ. Үүнтэй холбоотойгоор ЗХЖШ-ын дарга Д.Ганзоригийн тушаалаар Цэргийн тагнуулын газрын даргаар хошууч генерал А.Ганбатыг томилсон байна.

Тэрбээр БХЯ-ны Стратегийн судалгааны хүрээлэнд эрдэм шинжилгээний ажилтан, ЗХЖШ-ын цэргийн удирдлага, стратегийн төлөвлөлтийн газрын орлогч дарга, ЗХЖШ-ын нэгдүгээр орлогч дарга, тэргүүн дэд, Ерөнхий зориулалтын цэргийн командлагчаар ажиллаж байсан юм.

А.Ганбат нь 2005 онд Ерөнхийлөгчийн зарлигаар генерал цол хүртсэн билээ.