Хотын дарга Д.Сумъяабазар тэгш, сондгойгоор зорчуулах асуудлыг энэ сарын 7-нд НИТХ-аар оруулна хэмээн мэдээлсэн. Тэгвэл уг асуудлыг өнөөдөр НИТХ-аар хэлэлцэх эсэх талаар тодруулахад "Хэлэлцэхгүй" гэх мэдээллийг өглөө.
Ингээд өнөөдрийн хуралдаанаар хэлэлцэх асуудлыг жагсаалтыг хүргэж байна. Хуралдаан 10.00 цагаас эхэлнэ.
- Монгол Улсын Засгийн газрын 62 дугаар тогтоолын хэрэгжилт, өвөлжилтийн бэлтгэл ажил, нийслэлд авч хэрэгжүүлж буй арга хэмжээний тухай танилцуулга
- Нийслэлийн нутаг дэвсгэрт улс, нийслэлийн төсвийн хөрөнгө оруулалтаар хийгдэж буй ажлын явцын тухай мэдээлэл, танилцуулга
- Нийслэлийн ИТХ-ын төлөөлөгчид дүүргүүдэд өвөлжилт, бүтээн байгуулалт, хөрөнгө оруулалтын чиглэлээр танилцсан ажил, зарим удаашралтай ажлын чиглэлээр цаашид авах арга хэмжээний тухай
- Нийслэлийн газар зохион байгуулалтын ерөнхий төлөвлөгөө батлах тухай
- Нийтийн тээврийн үйлчилгээний салбарын санхүүжилтийн журам шинэчлэн батлах тухай
- Машин цагийн зардлын тариф шинэчлэн батлах тухай
- Нийслэлийн өмчид хөрөнгө бүртгэн авах тухай
- Нийслэлийн өмчөөс төрийн өмчид эд хөрөнгө шилжүүлэх тухай
- Бусад асуудал хэлэлцэнэ.
