Жил бүр уламжлан зохион байгуулагддаг Үндэсний номын баярын арга хэмжээ ирэх сарын 16-нд Сүхбаатарын талбайд эхэлнэ. Энэ удаагийн номын баяр нийт мөн сарын 18 буюу гурван өдөр үргэлжлэх юм.

Номын баяр нь унших, бичих, орчуулах, хэвлэн нийтлэх, түгээх үйл ажиллагааг дэмжиж, сурталчилдаг үндэсний хэмжээний арга хэмжээ юм. Энэ үеэр ховор, хуучны номын болон зохиолчдын шинэ, шилдэг уран бүтээлийн худалдаа болдог билээ.