МАН-ынхан өнөөдөр сайдуудынхаа томилгоог хийж байна. Тодруулбал, МАН-ын Удирдах зөвлөлөөс Ерөнхий сайд Л.Оюун-Эрдэнийн Засгийн газарт ажиллах сайд нарын нэрсийг тодруулсан юм. Үүнээс хамгийн сонирхолтой нь, МАН-ын Ерөнхий нарийн бичгийн дарга Д.Амарбаясгалангийн томилгоо байлаа. Тэрбээр энэ удаад ЗГХЭГ-ын даргаар буюу Л.Оюун-Эрдэнийн ЗГ-ын гал тогоог базаж ажиллах юм.
Түүний томилгоо эртнээс зурагдсан байсан бөгөөд түүний оронд томилогдох хүний томилгоо ч эрт яригдсан байсан гэж эх сурвалж мэдээлж байна. Тодруулбал, МАН-ын Генсекээр ХНХ-ын сайдын суудлаас бууж буй А.Ариунзаяа томилогдож магадгүй гэх мэдээлийг эх сурвалж өгч байна.
А.Ариунзаяа нь Д.Амарбаясгалангийн "хүн" гэж яригддаг бөгөөд өнгөрсөн Засгийн газарт ч түүний квотоор сайд болж байсан юм.
Тэгвэл улс төрийн хүрээнийхэн дараагийн генсекээр Ерөнхий сайд Л.Оюун-Эрдэнийн талаас хүн очно гэж ярьцгааж байгаа ч генсек намын аппаратаа тийм ч амархан "бусдад" өгөхгүй буй за.
Ямар томилгоо явахыг харж л байя.
Г.Лхагвадорж
