Монгол Улсын засгийн газар өнөөдөр /2022.08.22/ ээлжит бус хуралдаанаа хийлээ. Хуралдаанаар, УИХ-ын дөрөв хүртэлх гишүүн давхар дээл хашиж болно гэсэн үндсэн хуулийн заалтыг хүчингүй болгосон. Тэгвэл уг асуудалд УИХ-ын гишүүн, Хууль зүй дотоод хэргийн сайд Х.Нямбаатар байр сууриа илэрхийллээ.

Тэрбээр, "Сая манай намын бүлэг хуралдаж, ҮХЦ-ийн тогтоол шийдвэртэй танилцлаа. Сүүлийн 30 жилийн хугацаанд буюу 1992 оноос хойш ҮХЦ нь үндсэн хуулийн зүйл заалтыг хүчингүй болгосон анхны тохиолдол боллоо.

Үндсэн хуулийг ердийн хуультай адилтгаж, ҮХЦ-ийн шийдвэрээр үйлчлэлийг нь бүр мөсөн зогсоож болохгүй. Эсэргээрээ үндсэн хуульд нэмэлт биш, өөрчлөлт оруулах асуудлыг судалж үзэх ёстой гэсэн агуулга яригдлаа. ҮХЦ-ээс ирэх дараагийн бичиг шийдвэрээс шалтгаалж ҮХ-д өөрчлөлт оруулах асуудал яригдана.

Иргэд УИХ-ын гишүүдийн тоог нэмэгдүүлнэ үүнтэй тэмцэнэ гэсэн буруу ойлголттой байна. Энэ талаар бүлэг огт дурдаагүй. Харин 39.1 зүйлийн хоёр дахь өгүүлбэр нь ҮХ-ийн 29-тэй зөрчилдөж байна гэсэн үүднээс хүчингүй болгох тогтоол гарсан" гэв.