Манай улсад өнгөрсөн жилийн эцсийн мал тооллогоор 67.3 сая толгой мал тоологдсон. Энэ онд 24 сая толгой төл хүлээн авч бойжуулснаар өнөөдрийн байдлаар 90 гаруй сая толгой мал буюу хонин толгойд шилжүүлснээр 120 гаруй сая хонин толгой мал бэлчээр ашиглаж байна. Монгол Улсын бэлчээрийн даац 84.7 сая хонин толгой малыг багтаах багтаамжтай бөгөөд бэлчээрийн даац 35 сая хонин толгой малаар хэтрээд байна.

Бэлчээрийн даац нь өвсөн тэжээлтнүүд бэлчээрийн өвсийг эрчимтэй идэж, ургамлын орлуулах чадвараас давсан тохиолдолд тохиолддог. Энэ нь гол төлөв бэлчээрийн нөхөн төлжих чадвараас их малын ачаалалтай холбоотой юм.

Ингэснээр нутаг орны ургамал, хөрс доройтож, улмаар устаж үгүй болдог ба энэ нь мал тарга тэвээргээ авч чадахгүйд хүргэх аюултай байдаг байна.