Энэ сарын 7-10 ны өдрүүдэд "Монгол шилтгээн"-д зохион байгуулагдсан "Playtime" хөгжмийн фестивальд оролцсон зарим уран бүтээлчдийг хар тамхины хэргээр шалгаж байна.

Тодруулбал ЦЕГ-ын хар тамхитай тэмцэх хэлтсээс шалгалт явуулсан бөгөөд 20 гаруй хүнийг мансууруулах бодис хэрэглэсэн болон хадгалсан байж болзошгүй гэж тогтоогджээ.

Уран бүтээлчид дундаас реппер 168 буюу Х.Тэнгис, "Vanquish" хамтлагийн Пангасс нар хэрэглэсэн нь тогтоогдсон гэдгийг холбогдох эх сурвалж мэдээлсэн байна.

"Playtime" хөгжмийн фестивал нь энэ жил 20 дахь удаагаа зохион байгуулагдсан юм.