Өнгөрсөн баасан гарагт болсон НИТХ-аар нийслэлд бүртгэлтэй тээврийн хэрэгслээс Улаанбаатар хотын гол гудамжаар зорчсон хэмжээгээр нь километр тутамд 15 төгрөг, орон нутгийн дугаартай тээврийн хэрэгслээс километр тутамд 45 төгрөг төлөх зохицуулалтыг хэлэлцсэн. Уг журамыг энэ долоо хоногт багтаан батлаж, ирэх оны нэгдүгээр сарын 1-ээс хэрэгжүүлэх аж.

Автомашины тухайн төлбөрийг жилээр тооцож “RFID” буюу радио давтамжаар илрүүлэн системийн тусламжтайгаар бүртгэх юм. Энэ системийг ашиглахын тулд тээврийн хэрэгсэлд цахим гэрчилгээг нэвтрүүлж Улаанбаатар хотын 168 уулзварт мэдрэгч байршуулах юм байна.