НЗДТГ-аас цаг үеийн асуудлаар өнөөдөр /2022.06.11/ мэдээлэл хийлээ. Энэ үеэр Богдхан уулын Дугуй цагаан дахь гэрүүдийг буулгах үеэр үүссэн зөрчилдөөний талаар мэдээлэл өгсөн юм. НЦУГ-ын дэд дарга, хурандаа Б.Оюутболд "НЦУГ-т Богдхан Уулын тусгай хамгаалалттай газарт зөвшөөрөлгүй баригдсан, хууль бус барилгыг албадан буулгах ажиллагааг явуулахад орчны аюулгүй байдлыг хангуулах, нийтийн хэв журмыг хамгаалах чиглэлд дэмжлэг үзүүлэхийг үүрэг болгосон. Албадан буулгах ажлыг мэргэжлийн байгууллагууд нь явуулсан. НЦУГ-ын зүгээс иргэд, төрийн захиргааны хооронд үл ойлголцол, маргаан гарч хэв журам алдагдахаас сэргийлсэн. Иргэдийн хооронд үл ойлголцол үүсэх, эрүүл мэнд амь насанд учирч болзошгүй эрсдлээс сэргийлж цагдаагийн байгууллага ажилласан" гэв.