Олимпын аварга Н.Түвшинбаярт холбогдох шүүх хурал Хан-Уул, Баянгол, СХД-ийн эрүүгийн хэргийн анхан шатны шүүхэд болж байна. Шүүх хурал нээлттэй явагдаж байгаа. Харин дэлгэцээр шууд дамжуулж байсныг өмгөөлөгч нарын зүгээс эсэргүүцэж, хаах санал гаргаснаар шууд дамжуулалтыг хааж шийдвэрлэсэн юм.
09.00 цагаас эхэлсэн шүүх хуралд Н.Түвшинбаярын өмгөөлөгч Л.Данзанноров шүүх бүрэлдэхүүн дараах мэдээллийг танилцуулсан. Тэрбээр "Н.Түвшинбаярын зүгээс хохирогчийн талд нэмж 363 сая 446 мянган төгрөгийг төлсөн. Өмнөх төлсөн хохирол дээрээ нэмж төлсөн. Мөн цаашдын амжиргаа, үр хүүхэд нь дэмжлэг болох болов уу гэсэн үүднээс өөрийн гэр бүлийн захиран зарцуулах эрхтэй, 2 үл хөдлөх хөрөнгийг шилжүүлсэн" гэлээ.
