Урин дулааны цаг ирж байгаатай холбогдуулан бага насны хүүхдүүд гол руу унаж амиа алдах тохиолдол гарч буйг цагдаагийн байгууллагаас анхааруулж байна. Тодруулбал, цагдаагийн байгууллагад энэ сарын 25-ны өдрийн 13.10 цагт “Баян-Өлгий аймгийн Өлгий сумын Ховд голд хүүхэд живж нас барсан” гэх дуудлага, мэдээлэл иржээ.

Дуудлага, мэдээллийг тус аймаг дахь цагдаагийн газраас шалгахад тус суманд оршин суух 5 настай, эрэгтэй “Р” гэх хүүхэд голын эрэгт тоглож байгаад усанд живж нас барсан байна.

Эцэг эх, асран хамгаалагчид хүүхэддээ тавих хараа хяналтаа сайжруулах, бага насны хүүхдийг харгалзах хүнгүй гол, нуур, цөөрмийн орчимд тоглуулахгүй байх, тэдэнд учирч болох эрсдэлийн талаар сайтар тайлбарлан ойлгуулж эрсдлээс урьдчилан сэргийлээрэй.