Хойд Солонгосын удирдагч Ким Чен Ун өнгөрсөн даваа гарагийн орой болсон цэргийн парад дээр үг хэлж, цөмийн зэвсгийн нөөцөө нэмэгдүүлнэ гэж амлалаа.

Зэвсэгт хүчин үүсэн байгуулагдсаны ойд зориулсан парадад тив хоорондын баллистик пуужингууд үзүүлэв. Солонгосын албан ёсны төв мэдээллийн агентлагийн мэдээлснээр "Бид улс орныхоо цөмийн чадавхийг хамгийн хурдацтай бэхжүүлэх, хөгжүүлэх алхмуудыг үргэлжлүүлэн хийх болно" гэж тэр хэлээд, цөмийн хүчин хэзээ ч ашиглахад бэлэн байх ёстой гэж мэдэгдэв.