Ирэх зургадугаар сарын 1-нд олон улсын хүүхдийн эрхийг хамгаалах өдрийг Төв талбайд тэмдэглэн өнгөрүүлэх тухай Хотын даргын захирамж гарчээ. Тодруулбал, сүүлийн хоёр жилийн хугацаанд цар тахлын амаргүй нөхцөл байдлаас шалтгаалан хүүхдийн баярыг нийтээр тэмдэглээгүй. Тэгвэл Хотын дарга Д.Сумъяабазарын захирамжид тусгаснаар Олон улсын хүүхдийн эрхийг хамгаалах өдрийг тохиолдуулан харьяа нутаг дэвсгэртээ баярын нэгдсэн арга хэмжээг зохион байгуулж ажиллахыг дүүргүүдийн Засаг дарга нарт үүрэг болгожээ.
