АНУ-ын талаас Монгол Улстай холбогдож биологийн лаборатори байгуулах тухай яригдсан гэх мэдээлэл гарч буйтай холбогдуулан ГХЯ-наас мэдэгдэл гаргаж, тус мэдээлэл ор үндэслэлгүй гэдгийг мэдэгдээд буй. Тэгвэл эл асуудалд анхаарал хандуулах үүргийг Монгол Улсын Ерөнхийлөгч холбогдох албаныханд өгчээ. Энэ талаар Гадаад хэргийн сайд Б.Батцэцэг "Хүмүүсийн хардлагыг төрүүлэхүйц ямар ажиллагаа явагдсан эсэхийг нягталсан. Улмаар холбогдох байгууллагууд нь мэдээллээ чамбайруулж ҮАБЗ-д нэгтгээд Монгол Улсын Ерөнхийлөгч, ҮАБЗ-ийн гишүүдэд танилцуулах, сонсгол хийх үүрэг даалгаврыг Монгол Улсын Ерөнхийлөгч өгсөн" гэлээ.