Монголын залуучуудын холбооны байранд лоунж, ресторан үйл ажиллагаа явуулж байна гэх шүүмжлэл гарсан. Тэгвэл уг асуудалд Ерөнхий сайд Л.Оюун-Эрдэнэ "Залуучуудын байрны асуудал ТББ-ынх учраас Засгийн газар шууд оролцох боломжгүй. Гэхдээ би энэ асуудлыг өмнө нь ч хөндөж байсан. МЗХ гэдэг байгууллага, үе үеийн удирдлагууд нь олон нийтийн эзэмшлийг шамшигдуулсан байна уу гэдгийг АТГ-т шилжүүлсэн" гэх мэдээллийг өгч байсан.
Тэгвэл өнөөдрийн Засгийн газрын хуралдаанаар уг асуудлыг хэлэлцжээ. Улмаар Монголын залуучуудын холбооны удирдлагуудыг хуулийн байгууллагаар шалгуулах чиглэл өгсөн байна. Учир нь тус байрыг хууль бусаар ашигласан байж болзошгүй нөхцөл байдал тогтоогдсон аж.
