Энэ мэдээ хуучирсан буюу 2022/03/30-нд нийтлэгдсэн мэдээ болно.

Д.Амарбаясгалан: МАН-ын 9 гишүүнийг хуулийн байгууллагаар ШАЛГУУЛАХ үүрэг өгсөн

Ангилал
Улс төр
Огноо
Унших
2 минут 47 секунд

Хөгжлийн банкны зээлийн асуудалтай холбогдсон МАН-ын гишүүдэд хариуцлага тооцох асуудлыг ярина гэж МАН-ын Ерөнхий нарийн бичгийн дарга мэдэгдсэн. Уг мэдэгдлээс хойш нам гүм байсан түүнээс хэвлэлийнхэн болон улстөрчид хариуцлага тооцохыг шаардсаар байсан. Тэгвэл дөнгөж сая МАН-ын Ерөнхий нарийн бичгийн дарга Д.Амарбаясгалан мэдэгдэл гаргаж, МАН-ын 9 гишүүнийг хуулийн байгууллагаар шалгуулахаар үүрэг өгсөн гэжээ.

Тодруулбал, "Монгол Ардын нам авлига, албан тушаалын гэмт хэргээс ангид байх, улс төрийн ёс зүйг дээдлэх дэвшилтэт бодлого, зорилт, дүрмээ баримтлан нийгмийн шударга ёсны хүсэл, хүлээлтийг хүндэтгэн ажиллаж байна.

Хөгжлийн банкинд хуримтлагдсан 1,8 их наяд төгрөгийн чанаргүй өр зээлийн асуудал Монгол Ардын нам, ард иргэдийн анхаарлын төвд байгаа билээ. Монгол Ардын Намын Хяналтын ерөнхий хороо 2022.02.18-ны өдөр хуралдан, 21 дүгээр тогтоол гарган, Хөгжлийн банкны зээлтэй холбогдсон нэр бүхий 10 гишүүнийг тайлбараа заасан хугацаанд ирүүлэхийг шаардсан. Намын бага хурлын гишүүн Ш.Үнэнбат өөрийн хүсэлтээр намын гишүүнээс түдгэлзэж шалгуулахаар болсон.

Мөн хурлаар нэр бүхий 5 гишүүнийг намаас гарсанд тооцож, намын 5 гишүүнийг Бага хурлын гишүүнээс чөлөөлсөн.

2022.03.23-ны өдөр Монгол Ардын Намын Хяналтын ерөнхий хороо уг асуудлаар дахин хуралдаж, ирүүлсэн тайлбар нэг бүрийг авч хэлэлцээд, Намын дүрмийн 4 дүгээр зүйлийн 4.2.5, 4.2.8, 4.2.9, 4.3.2, 35 дугаар зүйлийн 35.4 дэх хэсгийг тус тус үндэслэн, “Мэдэгдэл хүргүүлэх тухай” 32 тоот тогтоол гаргасан.

Тогтоолд Хөгжлийн банкны зээлд нэр холбогдсон дараах гишүүдийг өөрийн санаачлагаар 4-р сарын 10-ны дотор хууль, хяналтын байгууллагад хүсэлтээ гарган гэм буруутай эсэхээ шалгуулахыг үүрэг болгосон. Эдгээр намын гишүүдийг 4-р сарын 10-ны дотор хуулийн байгууллагаар шалгуулах хүсэлтээ гаргаагүй бол намын гишүүнээс түдгэлзүүлнэ. Гэм буруутай нь тогтоогдвол намын дүрмийн дагуу гишүүнээс хасна.

1. УИХ-ын гишүүн С.Бямбацогт

2. УИХ-ын гишүүн Х.Ганхуяг

3. УИХ-ын гишүүн Г.Амартүвшин

4. УИХ-ын гишүүн Г.Дамдинням

5. УИХ-ын гишүүн Ч.Ундрам

6. УИХ-ын гишүүн асан М.Билэгт

7. УИХ-ын гишүүн асан А.Сүхбат

8. УИХ-ын гишүүн асан Ц.Гарамжав

9. Дэд сайд асан Ш. Лхамсүрэн" гэжээ.

Хятадаас 90 гаруй хайрцаг муудсан тахиа, загасны мах оруулж иржээ
Хятадаас 90 гаруй хайрцаг муудсан тахиа, загасны мах оруулж иржээ
 
ОЛИМП-2024: Дэлхийн аварга Бавуудоржийн БААСАНХҮҮ олимпын наадмаас МӨНГӨН МЕДАЛЬ хүртлээ
ОЛИМП-2024: Дэлхийн аварга Бавуудоржийн БААСАНХҮҮ олимпын наадмаас МӨНГӨН МЕДАЛЬ хүртлээ
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц