Монголын эдийн засгийн чуулганы урьдчилсан хэлэлцүүлэг өчигдөр болсон. Хэлэлцүүлгийг "Хот хөдөөгийн сэргэлт" сэдвийн хүрээнд зохион байгуулсан байна. Энэ хүрээнд нийслэлчүүдийн голлох асуудал болсон авто замын түгжрэл, болон төвлөрлийн асуудлыг ирэх жилүүдэд есөн зохицуулалтын хүрээнд шийдвэрлэнэ гэж төлөвлөж байгаа аж. Ингэхдээ авто замуудыг өргөтгөх, шинэчлэх, хяналтын ухаалаг систем нэвтрүүлэх, нийтийн тээврийн тоог нэмэгдүүлэх зэрэг арга хэмжээг хэрэгжүүлэх юм. Ингэснээр түгжрэл 20 орчим хувиар буурна гэж тооцжээ.

Энэ жилийн хувьд түгжрэлийг бууруулах арга хэмжээний хүрээнд 420 тэрбум төгрөг зарцуулна гэж төлөвлөсөн байна.