Засгийн газрын ээлжит хуралдаанаас гарсан шийдвэрийг Ерөнхий сайдын хэвлэлийн төлөөлөгч Ч.Болортуяа танилцууллаа. Энэ үеэр агентлагийн дарга нарын томилгоотой холбоотой асуудлаар сэтгүүлчдийн асуултад хариуллаа.

-Агентлагийн дарга нарыг сольж байгаа нь ямар шалтгаантай вэ?

-Томилгоотой холбоотой асуудалд Засгийн газраас шинэ сэргэлтийн бодлогыг боловсруулж, УИХ-д өргөн барьж батлуулсан. Шинэ сэргэлтийн бодлоготой холбоотойгоор хамгийн чухал асуудал бол төрийн бүтээмжийг дээшлүүлэх. Төрийн бүтээмжийг дээшлүүлэх хүрээнд тавьж байгаа зорилгодоо нийцүүлж албан тушаалтнуудыг ур чадвараар нь шалгаж агентлагуудын дарга нарыг сольж сэлгэх ажил хийгдсэн байна.