УИХ-ын чуулганы нэгдсэн хуралдаанаар Холбооны эрх зүйн байдлын тухай хууль, Сангийн эрх зүйн байдлын тухай хуулийг хэлэлцэх эсэхийг хэлэлцэв.
УИХ дахь МАН-ын бүлгийн дарга Д.Тогтохсүрэн "Холбооны эрх зүйн байдлын тухай хууль, Сангийн эрх зүйн байдлын тухай хуулийг үзэл баримтлалын хувьд нэгтгэж ярилцах шаардлагатай. УИХ дахь МАН-ын бүлэг Холбооны эрх зүйн байдлын тухай хуулиар тав хоногийн завсарлага авсан. Тиймээс Сангийн эрх зүйн байдлын тухай хуулиар мөн тав хоногийн завсарлага авахыг хүсэж байна" гэв.
Энэ дагуу УИХ-ын дарга Г.Занданшатар УИХ дахь МАН-ын бүлэгт тав хоногийн чөлөө өглөө.
