БНСУ-руу зорчсон хоёр Монгол иргэнээс омикрон хувилбарын халдвар илэрсэн гэх мэдээлэл гараад буй. Үүнтэй холбогдуулан ЭМЯ болон холбогдох албаныхан тус мэдээллийг үгүйсгэж буйгаа мэдэгдсэн. Тэгвэл БНСУ-д очсон Монгол иргэдээс халдвар илэрсэн гэх мэдээллийг БНСУ-ын www.news1.kr сайт нийтэлжээ. Тодруулбал:

Өмнөд Чунчон мужид COVID-19–ын хувилбар Omicron вирусын 5 шинэ тохиолдол нэмж бүртгэгдлээ. Үүнээс хоёр нь орон нутагт n-р халдвар(3 ба түүнээс олон удаагийн халдварын дамжлага тохиолдол) болох нь тогтоогдсон. Өмнөд Чунчон мужаас 3-ны өдөр мэдээлснээр, Монгол, АНУ-аас орж ирсэн 3 хүн, n-р халдвараар өвчилсөн 2 хүн Омикрон халдвар авсан нь тогтоогджээ.

Үүний үр дүнд Испаниас ирсэн гэр бүлийн гурван гишүүн, Их Британи, Филиппинээс хоёр хүний дараа тус мужид халдвар авсан хүний тоо 10 болж нэмэгджээ. Өнгөрсөн сарын 15, 25, 28-ны өдрүүдэд Монгол Улс, АНУ-аас гурван хүн ирсэн бөгөөд эдгээрээс өнгөрсөн сарын 31-нд Монголоос нэг, АНУ-аас хоёр, 1-р сарын 2, 3-ны өдөр Омикрон вирустэй гэж оношлогдсон. Нөгөө хоёр нь өнгөрсөн сарын 30-наас энэ сарын 2-нд Омикронтой гэж оношлогдсон бөгөөд тэд Чежү арал дахь Омикрон өвчнөөр өвчилсөн хүнтэй ойр байсан нь n-р халдвараар тогтоогдсон байна.

Хорио цээрийн дэглэмийн албаныхан тус хүмүүстэй ойрын хавьтал болсон болон онгоцны зэргэлдээ суудалд сууж байсан зорчигчдын талаар холбогдох орон нутгийн засаг захиргаанд мэдэгдэхээр төлөвлөж байна.

Эх сурвалж: www.news1.kr