Найман сарын хугацаанд ухаангүй эмчлэгдэж байсан Улсын начин Э.Энхбат өчигдөр 18.00 цагийн үед таалал төгссөн. Тиймээс өнөөдөр орой 18.00 цагаас Төв талбайд цуглаж, Э.Энхбат агсны дурсгалыг хүндэтгэж зул өргөхөөр болжээ. Зул өргөх ёслол хүн бүхэнд нээлттэй аж.
Сануулахад, тэрээр өнгөрсөн дөрөвдүгээр сард өөрийн найз Олимпын аварга, МҮОХ-ны дарга Н.Түвшинбаярт зодуулж, тархиндаа хүнд гэмтэл авсан байдаг.
