УИХ-ын намрын ээлжит чуулганы хуралдаан үргэлжилж байна. Хуралдаанаар Улаанбаатар хотын тогтвортой авто зам, тээвэр төслийг соёрхон батлах тухай хэлэлцэж байна. Хэлэлцэж байгаа асуудалтай холбогдуулан Шадар сайд С.Амарсайхан үг хэллээ.
Тэрбээр "Зарим ажлууд орхигдож байна. Франц Монголын Засгийн газар хооронд байгуулсан зээлийн хэлэлцээрийн хүрээнд 60 сая еврогоор дүүжин тээвэр хийх ажлыг эхлүүлсэн. Янз бүрийн шүүмжлэл дагуулдаг. Гэсэн хэдий ч үүнийг богино хугацаанд зээлийн санхүүжилтийн эх үүсвэрийг хотын удирдлагууд шийдвэрлэн эхлүүлсэн. Үргэлжлээд явах ёстой ажлуудын нэг. Үүнийг түргэн шуурхай шахаж ажиллуулах шаардлагатай байна" гэв.
