Их Британид нэг өдөрт бүртгэгдсэн коронавируст халдварын тохиолдол анх удаа 100,000 давжээ. Лхагва гарагт 106,122 тохиолдол бүртгэгдсэн нь тус улсад өмнө бүртгэгдэж байгаагүй өндөр тоо юм.

Мягмар гарагийн байдлаар нийт 8,008 хүн коронавирусийн халдвараар эмнэлэгт хэвтэн эмчлүүлж байгаа нь арваннэгдүгээр сарын 22-ноос хойшхи хамгийн өндөр үзүүлэлт болжээ. Гэсэн хэдий ч Ерөнхий сайд Борис Жонсон Зул сарын баярын өдөр Англид хөл хорио тогтоохгүй болохыг мэдэгдэв.

Эх сурвалж: BBC