ШӨХТГ-аас телевизээр явагддаг сугалаа болон цахим орчинд явагдаж буй "Онлайн шоп"-уудад шалгалт хийхээ мэдэгдсэн. Энэ дагуу "Онлайн шоп" нэртэй Цахим худалдааны үйлчилгээнд шалгалт хийжээ. Шалгалтад 10 орчим газар хамрагдсан бөгөөд хоёрт нь зөрчил илэрсэн байна. Тиймээс хуулийг дагаж мөрдөхийг ШӨХТГ-ын дарга Б.Бат-Эрдэнэ сануулжээ.

Мөн тэрбээр "Хуульгүй улс биш. Хэрэглэгчийн эрхийг хамгаалах тухай хууль болон Зар сурталчилгааны тухай хуулийн хүрээнд зохицуулагдах хэлбэрүүд бий. Ирэх 7 хоногт "Цахим худалдаа" эрхлэгчдийг хамруулсан сургалтыг Шударга өрсөлдөөн, хэрэглэгчийн төлөө газар -аас хийнэ" гэсэн байна.