Тоормос нь ажиллагаагүй болсны улмаас айлын хашаа мөргөсөн ноцтой осол гарчээ. Тодруулбал, Нийслэлийн Чингэлтэй дүүргийн 13 дугаар хороонд ачааны автомашин айлын хашаа мөргөж, 2 хүн автомашины төмөр хийцэд хавчуулагдсан тухай дуудлагыг онцгой байдлын газарт ирсэн байна. Дуудлагын дагуу Нийслэлийн Аврах ангийн алба хаагчид 9.5 км замыг туулан 15:03 цагт очиход “Бонго” загварын ачааны автомашины тоормос ажиллахгүй болсны улмаас айлын хашааг мөргөж, жолооч А /29 настай, эрэгтэй/, зорчигч К /30 настай эрэгтэй/ нар автомашины бүхээгийн хэсэгт хавчуулагдсан байсныг эсэн мэнд гаргаж, Гэмтэл согог судлалын үндэсний төвд хүлээлгэн өгсөн байна.
