АНУ-ын Охайо мужийн үзэсгэлэнгийн талбайд хий үзэгдэлтэй байшингийн жүжигчин 11 настай хүүгийн хөлийг хутгалж ноцтой гэмтэл учруулжээ. Энэ талаар хүүхдийн ээж Карен Беднарски "Тэр хүү рүү минь дөхөж очоод хутга барин айлгах гэсэн боловч хүү маань түүнд "Энэ бол хуурамч зүйл, би айхгүй байна" гэсэн. Гэтэл тэр хүүг минь хутгалчихсан" гэжээ. Ажилчид тэр даруй хүүхдийг анхны тусламжийн хэсэгт аваачиж, халдваргүйжүүлсэн байна.

"Хий үзэгдэлт" байшингийн үйл ажиллагааг зохион байгуулагч Родни Гефферт хүүхдэд гэмтэл учруулсан ажилтны талаар "Тэр хийх ёсгүй зүйлээ хийсэн. Бид үүнийг нь өршөөхгүй" гэжээ.