Парламентын сэтгүүлчид ЕТГ, ЗГХЭГ, УИХ-д хэвлэн мэдээлэх эрх чөлөөгөөр хангаж өгөхийг хүсч шаардлага хүргүүлж байна. Улмаар төв талбайд ажлын үнэмлэхээ өлгөж эсэргүүцлээ илэрхийлээд байна. Тодруулбал, Төрийн ордонд хөл хориогүй нэвтэрч мэдээллийг түргэн шуурхай үнэн бодитой иргэдэд дамжуулах шаардлагыг хүргүүлж байгаа юм.

Энэ үеэр сэтгүүлчид Д.Сүхбаатарын хөшөөг тойрсон гинжнээс үнэмлэхүүдээ зүүж, хэвлэн нийтлэх, мэдээлэх эрх чөлөө олгохыг шаардлаа.

Харин тэдний шаардлагыг УИХ, ЕТГ, ЗГХЭГ-ын хэвлэлийн албадын дарга нар гарч ирэн шаардлагыг хүлээн авсан юм. Улмаар асуудлыг сэтгүүлчдийн хүсч байгаачлан биелүүлэхийг хичээх болно. Ковидын үед гаргасан түр журмыг шинэчилж, дараагийн журмыг боловсруулах болно гэдгээ илэрхийллээ.