Улсын дээд шүүхийн нийт шүүгчийн хуралдаан өнөөдөр товлогдсон. Өнөөдрийн хуралдаанаар Монгол Улсын дээд шүүхийн нийт шүүгчийн хуралдааны дэгт нэмэлт, өөрчлөлт оруулах болон Шүүхийн шийдвэрийг боловсруулах аргачлал, журмын төслийг хэлэлцэн батална.

Мөн Үндсэн хуулийн цэцийн гишүүний нэг орон тоонд нэр дэвшүүлэх асуудал, “Ардын чуулган нам” үүсгэн байгуулсныг бүртгүүлэх тухай хүсэлтийг тус тус хэлэлцэх юм.