Эм, эмнэлгийн хэрэгслийн зохицуулах агентлагаас түргэвчилсэн найман оношлуурыг баталсан байдаг байна. УОК-ын дэргэдэх Эрдэмтдийн зөвлөлийн нарийн бичгийн дарга О.Батбаяр "Тав, зургадугаар саруудад иргэдийн тусламж үйлчилгээг ойртуулахын тулд түргэвчилсэн оношлуурын хариунд суурилан эмчилгээнд оруулах журмыг баталсан. Орон нутгуудад ашиглаж буй түргэвчилсэн оношлуурыг татан авч, шалгахад 11 оношлуураас ердөө нэг нь л Монгол Улсад хэрэглэхийг зөвшөөрсөн оношлуур хэрэглэж байна. Түргэвчилсэн оношлуураар эерэг гарсан сорьцуудыг ПСР шинжилгээнд оруулахад хуурамч эерэг 11 хувь, хуурамч сөрөг өндөр хувьтай гарсан. Энэ нь тодорхой хэмжээний эрсдлийг үүсгэж байгаа юм. Цаашид олон улсын жишгээ дагаж ПСР шинжилгээгээр баталгаажсан тоог олон нийтэд мэдээлэх болно" гэлээ.