Өчигдөр буюу есдүгээр сарын 9-ны өдрийн 16:30 цагийн орчимд Хан-уул дүүргийн нутаг дэвсгэрт байрлах Капитрон банкинд хутгатай этгээд халдаж, дээрэмдэхийг завдсан хэрэг гарчээ. Тухайн этгээд тус банкны теллерийн хоолойг боож байгаа нь камерын бичлэгт бичигдсэн бөгөөд хэргийн газраас зугтсан байна. Тус хэргийг Хан-Уул дүүрэг дэх цагдаагийн хоёрдугаар хэлтэст шалгаж байгаа ба одоогоор шалгалтын ажиллагаа үргэлжилж байгаа аж. Эх сурвалжийн мэдээлж буйгаар, банк дээрэмдэхийг завдсан этгээд банкнаас мөнгө авч чадаагүй байна.