Цар тахалтай зэрэгцэн хүйтэн сэрүүний улиралд дэгддэг халдварт өвчнүүд, тэр дундаа томуугаас сэргийлэх хүрээнд томуугийн вакцинд хүн амыг хамруулдаг билээ. Одоогоор улирлын томуугийн вакцин хараахан орж ирж амжаагүй байгаа бөгөөд ирэх есдүгээр сарын 25 гэхэд оруулж ирэн, иргэдэд вакцин хийж эхэлнэ гэдгийг НЭМГ-ын дарга Л.Бямбадорж мэдээлсэн. Тэгвэл коронавирусийн дархлаажуулалтад хамрагдсанаас нэг сарын дараа улирлын вакцинд хамрагдах боломжтой аж.