Сургууль, цэцэрлэг танхимаар хичээллэх болсонтой холбогдуулан боловсролын байгууллагууд бэлтгэл ажлаа хангаж эхлээд буй. Тэгвэл өнөөдөр Баянзүрх дүүргийн Засаг дарга төрийн болон төрийн бус өмчийн сургуулийн захирал, цэцэрлэгийн эрхлэгч нартай гурвалсан “Хариуцлагын гэрээ”-г байгуулжээ.

Тодруулбал, хүүхдүүдийн аюулгүй анги танхимд хичээллэх орчныг бүрдүүлэх, коронавируст халдвар /ковид-19/-ын цар тахлаас урьдчилан сэргийлэх, халдвар хамгааллын дэглэмийг мөрдүүлэх, хичээл сургалтын үйл ажиллагааг хэвийн явуулах нөхцлийг бүрдүүлэхэд тус гурвалсан гэрээний зорилго оршиж байгаа аж.