Тавдугаар сарын 14-нд Улсын дээд шүүхийн Эрүүгийн хэргийн танхимын шүүгчид УИХ-ын гишүүн, Дэд бүтцийн сайдаар ажиллаж байсан С.Зоригийн амийг хөнөөсөн хэрэгт ял шийтгүүлсэн Б.Содномдаржаа, Т.Чимгээ, Ц.Амгаланбаатар нарт холбогдох хэргийг прокурорын бичсэн дүгнэлтийг үндэслэн шүүгч Б.Цогтын илтгэснээр хаалттай хэлэлцэнэ.
Б.Хурц, Г.Эрдэнэбат тэргүүтэй хүмүүсийн хэргийг тус шүүхээр эцэслэн шийдвэрлэсэний дараа Улсын ерөнхий прокурор Эрүүгийн хэрэг хянан шийдвэрлэх тухай хуульд заасны дагуу шинээр илэрсэн нөхцөл байдалтай холбогдуулан хэргийг хянуулах дүгнэлт бичиг хүргүүлсэн. Дээрх гурван хүнийг хаалттай хорих ангид 20 жил ял эдлүүлэхээр эцэслэн шийдвэрлэсэн. Харин шинээр илэрсэн нөхцөл байдлын улмаас ийнхүү хэргийг прокурорт буцаах шийдвэр гаргавал дээрх хүмүүсийг батлан даалтан өгөх эсэхийг анхан шатны шүүх хэлэлцэх юм.
