Өнөөдрөөс эхлэн нийслэлийн хэмжээнд автомашины хөдөлгөөнийг хэвийн горимд шилжүүлж, 06.00-22.00 цагт замын хөдөлгөөнд оролцохоор болжээ. Энэ хугацаанд дугаарын хязгаарлалт тэгш сондгойгоор бус ердийн үеийнхтэй ижил үйлчилнэ.

  Өндөржүүлсэн бэлэн байдлын зэргийг бууруулсан боловч хот хоорондын зорчигч тээврийн хөдөлгөөний хязгаарлалтыг энэ сарын 22-ны өдөр хүртэл сунгасан байна. Энэ хугацаанд зайлшгүй шалтгаанаар орон нутагт зорчих хүсэлтэй болон тухайн орон нцтагт байнгын оршин суугч иргэд аймгийнхаа Онцгой комиссоос зөвшөөрөл авсны үндсэн дээр зорчих боломжтой.