Өнөөдөр Э.Ананд хүүгийн эмчилгээнд Хүннү мото клубийн зүгээс 20 сая төгрөгийн хандив өглөө. Ингэхдээ нийт мотоцикл сонирхогчидтой хамдтаа гэрийнх нь гадаа очсон байна. Э.Ананд хүү мотоцикл харахыг хүссэн тул үүнийг нь биелүүлж клубийнхэн очсон гэдгийг хэлж байлаа.

  Тус клубийн гишүүн өөрийн мотоциклоо хандивлаж хоёр хоногийн хугацаатай сугалаа явуулж 17 сая гаруй төгрөг цуглуулжээ. Э.Ананд хүүгийн эмээд хандивийн 20 сая төгрөгөө дансаар шилжүүлж, хандив өгөх үйл ажиллагаагаа лайв хийж баталгаажуулсан юм. Энэ үед хүүгийн эмээ цахим сүлжээнд 300 сая төгрөг цугларсан гэх ташаа мэдээлэл явж байгааг онцлоод 200 сая гаруй төгрөг цугларсан байгааг хэллээ.