Үерийн хамгаалалтын барилга, байгууламжийг цэвэрлэх хүрээнд Баянгол дүүргийн 9, 21-р хороонд байршилтай 3, 4-р хорооллын үерийн хамгаалалтын далан, сувгийн лагийг цэвэрлэж байна.

Баянзүрх дүүргийн 8, 10, 13, 14 дүгээр хороо, Амгалангийн зам, Цагдаагийн академийн өргөн чөлөө, Офицерын тойрог, Нарны замын борооны ус зайлуулах шугам, сүлжээний сувгийн 66 тонн лагийг төвлөрсөн хогийн цэгт хүргэжээ. Геодези, усны барилга, байгууламжийн газар энэ онд үерийн хамгаалалтын барилга, байгууламжийн 25 байршилд 28 мянга гаруй, нийслэлийн зургаан дүүргийн  176 байршилд 4700 гаруй шоо метр лаг хагшаасыг цэвэрлэж зайлуулах аж.