Арменийн Ерөнхий сайд Никол Пашинян хугацаанаас өмнө сонгууль явуулахын тулд дөрөвдүгээр сард огцорно гэдгээ мэдэгджээ. Тэрбээр ням гарагт Армавир мужийн оршин суугчидтай уулзсан байна.
Тэрбээр "Бид дөрөвдүгээр сард огцорч, хугацаанаас өмнө сонгууль явуулах боломжтой болно. Сонгууль хүртэл би Ерөнхий сайдын үүрэг гүйцэтгэгч хэвээр үлдэнэ" гэжээ.
Гуравдугаар сарын 18-нд тэрбээр Ерөнхийлөгч болон парламентын гурван фракцын удирдагчидтай улс төрийн зөвлөлдөх уулзалт хийснийхээ дараа парламентын ээлжит бус сонгуулийг зургаадугаар сарын 20-нд явуулна гэж мэдэгджээ. Гэсэн хэдий ч сөрөг хүчнийхэн эсэргүүцлийн жагсаалаа зогсоохгүй хэмээв. Сөрөг хүчнийхний жагсаал хоёрдугаар сарын сүүлчээс хойш үргэлжилж байгаа аж.
