“Parasite” кино Оскарын хэд хэдэн шагналыг хүртсэн. Найруулагч Бүн Жүн Хогийн бүтээл нь зохиол хэдий ч түүн дээр гарах орон байр зохиомжит биш. БНСУ-ын нийслэл Сөүл хотод “банжиха” хэмээн нэрлэгддэг хонгилын байранд олон мянган хүн амьдардаг байна. “BBC” агентлагийн Солонгос дахь сурвалжлагч Жули Ён энэхүү сурвалжлагыг бэлджээ.
11. Харин Шим Мин “Би банжихаг аюулгүй сууц гэж үзэхгүй байна. Надад Сөүлийн хар барааныг санагдуулдаг. Тиймээс найз залуудаа санаа зовж байна” гэв. Гэвч тэдний влогт хүмүүс эерэгээр хариулж эхэлжээ.
10. Пак болон түүний найз охин Шим Мин нар банжихад амьдарч буй талаараа влог хөтөлдөг. “Ээж маань энэ байрыг хамт үзэхдээ үнэрлэж чадахгүй байсан. Учир нь өмнөх эзэмшигч нь тамхи их татдагаас эхүүн үнэр нэвт ханхалж байсан” гэлээ.
9. 26 настай зурагчин Пак Ёнжун (баруун гар талаас) “Шимэгч” киног үзсэнийхээ дараахан банжихад амьдрахаар шийджээ. Түүний хонгилын сууц сонгосон шалтгаан нь мөнгө, орон зайг хэмнэх. Киног үзсэний дараа ийм байрыг сайхан тохижуулж болох юм байна гэсэн сэдэл авчээ. “Намайг газар дор амьдарч буйг хараад хүмүүс намайг өрөвдөөсэй гэж хүсэхгүй байна” хэмээн Пак Ёнжун ярив.
8. Ки Чеол “Солонгост хүмүүс сайхан байранд амьдарч, гоё машин унах ёстой гэж үздэг тул банжихад амьдардаг хүмүүсийг ядуучууд гэж хардаг” гэжээ.
7. Ки Чеол “Би багадаа ийм л сууцанд өссөн. Энд амьдарснаар мөнгөө хэмнэх боломжтой ч хүмүүс намайг өрөвдөж, ёжлох нь их” хэмээн ярив.
6. Хүн ам олонтой Сөүл хотод зай талбай хомс, түрээсийн үнэ өндөр. 2018 онд НҮБ БНСУ-ыг эдийн засгаараа 11 дүгээрт тэргүүлж байгаа ч залуу болон ядуу хүмүүсийг орон байраар хангахад садаа ихтэй байгааг анхааруулсан байдаг.
5. “Шимэгч” кинон дээр гардаг Пакын байшин эсрэгээрээ гэрэлтэй, саруулхан бас тансаг. Банжиха буюу хонгилын сууцны сарын түрээс 540.000 вон (1.250.000 төгрөг).
4. Зүүн гар талд “Шимэгч” киноны, баруун гар талд Ки Чеолийн нойлын өрөөг харьцуулан харуулав.
3. Жижигхэн угаалгын өрөөнд синк байхгүй, тааз нь намхан тул бие засахдаа толгойгоо цохихоос сэргийлж өвдгөө нугална. Ложистикийн компанид ажилладаг 31 настай Ки Чеол анх байрандаа нүүж ирээд цементэн хананаас харшилж гар, хөл дээр нь толбо гарч байжээ.
2. Банжиха барих болсон шалтгаан нь хоёр Солонгосын мөргөлдөөнтэй холбоотой. 1970 онд Өмнөд Солонгос хонгилын байруудыг мөргөлдөөнтэй холбоотой онц байдал зарласан үед хоргодох байр болгон ашиглахаар төлөвлөж байжээ. Гэвч 1980 оны орон сууцны хямралын үеэр хонгилын байранд амьдрахыг хулуиар зөвшөөрсөн байна.
1. Ки Чеолийн банжихад нар тусахгүй. Гудамжинд яваа хүн түүний гэр доторхыг харах боломжтой. Өсвөр насныхан цонхон дээр нь тамхи татдаг, гэрт нь байнга мөөгөнцөр ургадаг гээд түүнд тэмцэх асуудал олон бий.
UBN.mn сайтын редакц