Монголд астразенека хийлгэсэн хүмүүст ийм анхааруулга өгчээ

Ангилал
Нийгэм
Хэзээ
22 цаг
Унших
2 минут 27 секунд

Өчигдрөөс эхлэн коронавирусний эсрэг астразенека вакциныг хийлгэсэн эхний хүмүүст анхааруулга өгчээ. Тус анхааруудгад:

Вакцины эмнэлзүйн туршилтын явцад вакцины дараах хүнд урвал болох анафилаксын шок илрээгүй боловч бусад вакцины нэг адил олон мянган хүнийг вакцинжуулах явцад ийм төрлийн урвал илэрч болзошгүйг ДЭМБ-ын түр удирдамжид анхааруулсан.

Вакцины дараах хамгийн их түгээмэл илрэх урвалуудад (вакцин хийлгэсэн хүн тутмын 1-ээс илүүд):

  • Вакцин хийсэн газарт улайх, хавдах, хөндүүрлэх
  • Бие тавгүйтэх
  • Ядрах
  • Бие зарайж, жихүүдэс хүрэх
  • Толгой өвдөх
  • Дотор муухайрах
  • Үе мөч, булчин өвдөх шинжүүд түгээмэл байна. 

Түгээмэл илэрч байгаа шинж тэмдгүүд (10 хүнд 1-ээс доош):

  • Бага зэрэг халуурах (37,8 хэм)
  • Бөөлжих
  • Нус гоожих, ханиах, хоолой хөндүүрлэх зэрэг томуу төст шинжүүд

Түгээмэл бус илэрч байгаа шинжүүд (100 хүнд 1 тохиолдол):

  • Толгой эргэх
  • Хоолны дуршил буурах
  • Гэдэс өвдөх
  • Лимфийн булчирхай томрох: вакцин хийлгэснээс хэдэн өдрийн дотор илрэх ба 2 долоо хоног хүртэлх хугацаагаар үргэлжилж болно. Шаардлагатай тохиолдолд эмчийн заавраар парацетамол ууж болно гэж зөвлөсөн байна.
  • Хөлрөх
  • Арьс загатнах, тууралт гарах

Маш ховор тохиолдолд хүчтэй харшлын урвал буюу анафилаксын шок илрэх давтамж: 100 000 хүн амд 1 тохиолдож болзошгүй байна. 

Вакцин хийлгэсний дараа анхаарах зүйлс:

Дээрх хөнгөн урвалууд нь бусад вакцины үед ч илэрдэг бөгөөд эдгээр шинж тэмдэг илрэх нь хүний биеийн дархлааны системийн нөлөөгөөр өвчин үүсгэгчийн эсрэг дархлаа тогтоож байгааг илэрхийлдэг. Вакцин хийлгэсний дараа 1-3 хоногт өөрөө аяндаа зүгээр болдог. 

Анхаарах зүйлс:

  • Вакцин тарьсан хэсгийг хөндөхгүй, хүрэхгүй байх
  • Орчны температурт тааруулж хувцаслах
  • Сайн хооллож шингэн зүйл хангалттай уух 
  • Боолт хийх, эм, тос түрхэх, бусад зүйлсээр жин тавихгүй байх
  • Амны хаалт зүүх, гараа угаах, зай барих зэрэг арга хэмжээг үргэлжлүүлэх
  • Давтан тунгаа товлосон цагт хийлгэх
  • Вакцин хийлгэсэн тэмдэглэгээ бүхий урьдчилсэн сэргийлэх тарилгын гэрчилгээг дараагийн тунд ирэх хүртэл өөртөө хадгалах
Вакцин хийлгэсэн иргэнд өгсөн зөвлөмжийн хуудас

 

Сэтгэгдэл (1)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!
  1. Dorj

    Engiin irged hezeenees hiilgeh ym be

Төстэй мэдээллүүд: