Боловсролын чанарын шинэчлэлийн талаар УИХ-ын дарга Г.Занданшатар, Боловсрол шинжлэх ухааны сайд Л.Энх-Амгалан нар Клаб хаус өрөөнд хэлэлцүүлэг хийлээ. Хэлэлцүүлгийн үеэр УИХ-ын дарга Г.Занданшатараас их, дээд сургуулиудын төлбөрийн хөнгөлөлтийн асуудал аль шатанд явж байгаа талаар тодрууллаа. УИХ-ын дарга Г.Занданшатар:
"Өмчийн харьяалал үл харгалзан төлбөр хойшлуулах тухай асуудал долоо хоногийн дараа шийдэгдэнэ. Нэгдүгээр сарын 18-нд төлбөр хойшлуулах хэлэлцээр эхэлсэн. Их, дээд сургуулиуд болон холбогдох байгууллагуудтай БШУ-ны яам Ковидын хуулийн 7.1.12-ыг хэрэгжүүлэх асуудлаар яриа хэлэлцээ хийж байгаа" гэж хариулт өглөө.
