Netflix-ийн алдарт “Single’s Inferno” шоуны оролцогч И Гван Хи Монголд ирэхээр болжээ.

Тодруулбал, Монголын сагсан бөмбөгийн SG Apes баг БНСУ-ын дээд лигийн Seoul Samsung Thunders багтай нөхөрсөг тоглолт хийхээр болсон бөгөөд тус багийн бүрэлдэхүүнд И Гван Хи багтаж ирэх юм байна. Summer Slam 2026 тоглолт ирэх наймдугаар сарын 1-нд MBank Arena-д зохион байгуулагдах аж.

Тоглолтод хоёр багийн шилдэг тоглогчид оролцох бөгөөд Монголын сагсан бөмбөг сонирхогчид Азийн хүчирхэг лигийн нэг болох Солонгосын KBL-ийн багийг эх орондоо үзэх боломжтой болж байна.