УИХ-ын чуулганы хуралдаан эхэллээ. Хуралдаанаар зарим хуулийн төслүүдтэй холбоотой санал хураалт үргэлжилж байна. Тэгвэл Засгийн газраас өргөн барьсан “Гадаад зээлийн ашиглалтыг нэмэгдүүлэх“ хуулийн төслийг эцэслэн батлах санал хураалтыг явууллаа. Улмаар санал хураалтад оролцсон гишүүдийн 69.5 хувь нь дэмжсэн тул тус хуулийн төслийг эцэслэн баталлаа.
Засгийн газраас дээрх хуулийн төслийг боловсруулж яаралтай горимоор УИХ-д өргөн мэдүүлсэн. Ингэхдээ Сэлбэ дэд төвийн төслийг хуулийн төслөөс хасаж, Эрдэнэбүрэнгийн УЦС, Газрын тос боловсруулах үйлдвэрийн төслийг багтаасан юм.
