Ерөнхий сайд Н.Учрал өнөөдөр "Хүчит шонхор" захад ажиллаж, махны үнэ, нийлүүлэлтийн талаар иргэдтэй уулзах үеэрээ "Би нийслэлийн Засаг даргад асар гомдолтой байгаа. Яагаад гэвэл ард түмний амьдрал ийм хүнд байхад зүгээр байсан бродюр солиод байсан. Би энэ нөхөрт хариуцлага тооцно" гэсэн юм.
Тэгвэл Ерөнхий сайд өдрийн дотор шийдвэрээ гаргаж Нийслэлийн Засаг дарга бөгөөд Улаанбаатар хотын захирагч Х.Нямбаатарыг үүрэгт ажлаас нь чөлөөлж буйгаа мэдэгдлээ. Мөн тэрбээр хотын бүх төсөл, тендерийг шалгахыг АТГ-ын дарга З.Дашдаваа, ТЕГ-ын дарга П.Одонбаатар, ЦЕГ-ын Тэргүүн дэд дарга Б.Ганчулуун нарт үүрэг болгов.
