Улаанбаатар хотын өсөн нэмэгдэж буй эрчим хүч, дулааны хэрэгцээг хангах стратегийн ач холбогдолтой “Дулааны тавдугаар цахилгаан станц” төслийн бүтээн байгуулалтыг эхлүүллээ. Тус станц 300 МВт цахилгаан, 340 Гкал/ц дулаан үйлдвэрлэх хүчин чадалтай. Станц ашиглалтад орсноор 100 мянга хүртэлх айл өрхийг цахилгаанаар, 40 мянга гаруй айл өрхийг дулаанаар хангах юм.

Тус бүтээн байгуулалтын нээлтийн үеэр Хотын дарга Х.Нямбаатар "Мега төслүүдэд харшилтай хүмүүс олон болчхож. Төрийн хувийн хэвшлийн түншлэл дээр хулгайсаад байх зүйл юу ч байхгүй" гэв.