СХД-ийн 4-р хорооны Засаг дарга Д нь хүний амь хөнөөсөн талаар бид мэдээлсэн. Тодруулбал, тус хорооны Засаг дарга Д нь "Ажил гүйцэтгэх гэрээ олж өгөөгүй" гэх шалтгаанаар бусдын амь насыг хөнөөсөн гэх мэдээлэл байгаа юм. Энэ талаар цагдаагийн байгууллагаас тодруулахад "Москва хороололд хүмүүс зодолдоод байна гэх дуудлага мэдээлэл ирсэн. Дуудлагын дагуу ажиллахад хүний амь нас хохирсон нөхцөл байдал тогтоогдсон. Урьдчилсан байдлаар иргэн Д нь "Гэрээгээр олгох ажил олж өгнө" гээд 24 сая төгрөг аваад гэрээнийхээ ажлыг олж өгөөгүй, мөнгөө ч буцааж өгөөгүй гэх шалтгаанаар амь хохирогчийн толгой, гэдсэн тус газарт цохиж амь насыг нь хохироосон. Уг хэргийг шалгаж байна" гэлээ.