“Шангрила”-д болсон дээрэлхэлт болон үе тэнгийн дээрэлхэлттэй холбоотой асуудлаар ЦЕГ-аас мэдээлэл хийлээ. Энэ үеэр ЦЕГ-ын Мөрдөн шалгах албаны Хүүхдийн эсрэг болон хүүхдээс үйлдсэн гэмт хэрэг мөрдөх хэлтсийн дарга, цагдаагийн хурандаа Б.Мөнхбат "Шангрилад болсон үе тэнгийн дээрэлхэлтийн хэрэг энэ сард шийдэгдэнэ" хэмээн мэдээллээ.
Мөн Цагдаагийн ерөнхий газрын Урьдчилан сэргийлэх албаны Хүүхдийн эсрэг гэмт хэрэг, зөрчлөөс урьдчилан сэргийлэх хэлтсийн дарга, цагдаагийн дэд хурандаа Д.Будзаан "Үе тэнгийн дээрэлхэлтийн улмаас бусдын биед хүнд гэмтэл учруулвал 12 жил хүртэлх хорих ялтай. Мөн Үе тэнгийн дээрэлхэлт гарахад эцэг эхчүүд хувийн арга хэмжээ авч байна гээд бусдын хүүхдийг зодох танхайрах тохиолдол гарч байна" гэлээ.
