Сагсан бөмбөгийн дээд лигийн финалын шатанд "Хасын Хүлэгүүд", "Сэлэнгэ Бодонс" багууд шалгарч үлдээд байгаа. Аваргын цувралын хоёр дахь тоглолт өнөөдөр 19:10 цагаас эхэлнэ. Эхний тоглолт энэ сарын 1-нд болж 77:76 харьцаатайгаар Хүлэгүүд хожил байгуулсан. Аваргын цувралын эхний тоглолт үндсэн цагт тэнцэж нэмэлт цагт шийдэгдсэн.
Эхний тоглолтод Хүлэгүүдээс Б.Барсболд жигд тоглолтоо үзүүлж 13 оноо, 7 самбар, 6 ашигтай дамжуулалт өгсөн. Мөн А.Азбаяр 19, Э.Түшиг 16, Жорди Тшиманга 14 оноо авсан. Харин Бодонсоос Э.Дөлгөөн 16 оноо, 6 самбар, 3 ашигтай дамжуулалт, 3 бөмбөг таслалт, Жэй Скрабб 18, А.Ананд 11 оноо авсан.
